गुरुपौर्णिमेनिमित्त सामूहिक सप्ताहात मान्यवरांची उपस्थिती; कार्यक्रमाची शोभा वाढली

 गुरुपौर्णिमेनिमित्त सामूहिक सप्ताहात मान्यवरांची उपस्थिती; कार्यक्रमाची शोभा वाढली

नांदुर्गा, प्रतिनिधी : नांदुर्गा येथे गुरुपौर्णिमेनिमित्त आयोजित करण्यात आलेल्या सामूहिक सप्ताह सोहळ्यास उत्स्फूर्त प्रतिसाद लाभला. धार्मिक व भक्तिमय वातावरणात पार पडलेल्या या कार्यक्रमाला जिल्हा परिषद सदस्या दिपाली श्याम भोसले, चेअरमन श्याम बापू भोसले तसेच सर्व ग्रामस्थांनी उपस्थित राहून कार्यक्रमाची शोभा वाढवली.

यावेळी मान्यवरांनी उपस्थित भाविकांशी संवाद साधत गुरुपौर्णिमेचे महत्त्व अधोरेखित केले. सामूहिक सप्ताहाच्या माध्यमातून समाजात एकात्मता, भक्तीभाव आणि सामाजिक सलोखा अधिक दृढ होत असल्याचे त्यांनी सांगितले.

कार्यक्रमादरम्यान धार्मिक विधी, भजन-कीर्तन व विविध आध्यात्मिक उपक्रम पार पडले. ग्रामस्थांनी मोठ्या संख्येने सहभाग नोंदवून कार्यक्रम यशस्वी केला. उपस्थित मान्यवरांचे आयोजकांच्या वतीने पुष्पगुच्छ देऊन स्वागत करण्यात आले.