जगद्गुरु नरेंद्राचार्यजी महाराज यांचा पादुका दर्शन सोहळा मोठ्या उत्साहात संपन्न
लातूर : जगद्गुरु नरेंद्राचार्यजी महाराज यांचा पादुका दर्शन सोहळा शनिवारी दि ६ एप्रिल २०२४ रोजी मोठ्या उत्साहात संपन्न झाला यावेळी जवळपास २५ ते ३० हजार पेक्षा जास्त भाविक भक्त उपस्थित होते.
सकाळी ९:३० ते ११:३० शोभायात्रा काढण्यात आली या शोभायात्रेत रथामधे जगद्गुरु नरेंद्राचार्यजी महाराज यांच्या सिध्द पादुका व प्रतीमेच्या समोर कलश धारी महीला, भगवा धारी लेझीम पथक, विविध फलक, ध्वजधारी पुरुष - महिला व भजनी मंडळ सहभागी झाले होते. कार्यक्रमाच्या ठिकाणी १२ ते १:३० वाजता गुरु पुजन व महाआरती करण्यात आली. १:३० ते ३ नाणीज पिठाच्या ज.न.म. प्रवचनकार अंजलीताई निकम यांचे अमृततुल्य असे प्रवचन संपन्न झाले. या प्रवचनात आध्यात्म, भक्ती, विज्ञान यावर प्रवचन झाले. यावेळी १२५० भाविकांनी उपासक दिक्षा घेतली, दुपारी ३ ते ६.३० जगद्गुरु नरेंद्राचार्यजी महाराज यांच्या पादुका दर्शनाचा लाभ भाविकांनी घेतला तसेच सायंकाळी ६:३० वाजता जगद्गुरु श्रींच्या पादुकांवर पुष्पवृष्टी करुन सोहळ्याची सांगता करण्यात आली.
यावेळी सर्व भाविकांसाठी पिण्याचे थंड पाणी व महाप्रसादाची सोय करण्यात आली होती.
या कार्यक्रमास लातूर चे खासदार सुधाकर शृंगारे , मा. वैद्यकीय शिक्षण मंत्री आमदार अमित भैया देशमुख, संजय निलेगावकर, देविदास काळे, सुनील मलवाड, डॉ. शिवाजी काळगे व कार्यकर्ते उपस्थित होते.
या सोहळ्यास स्व-स्वरूप संप्रदाय सेवा समिती पदाधिकारी व सर्व भक्तगणांनी परिश्रम घेतले.
0 टिप्पण्या