औशात मोकाट कुत्र्यांचा बंदोबस्त करा -अन्यथा टाळे ठोको आंदोलन -सय्यद मुजफ्फर अली इनामदार
औसा प्रतिनिधी
औशात मोकाट कुत्र्यांचा त्वरीत बंदोबस्त करा -अन्यथा टाळे ठोको आंदोलन करणार असल्याचे निवेदन एम आय एम च्या वतीने मुख्याधिकारी यांना दिले आहे.त्याचे सविस्तर वृत्त असे औसा शहरात व परिसरात कुत्र्यांची होत असलेले वाढ ही शहरातल्या नागरीकांसाठी खूप मोठी समस्या झाली आहे. याबाबत एम आय एम च्या वतीने दि. २९/११/२०२४ रोजी व पुर्वी अनेकवेळा मोकाट कुत्र्यांचा बंदोबस्त करण्याबाबत आपणास कळविण्यात आले होते. तसेच जेंव्हा जेंव्हा कुत्र्यांनी चावा घेतल्याची घटना झाली त्यावेळेस पालीकेला कळविण्यात आलेले होते. परंतु पालीकेने यावर कोणतही कार्यवाही केलेली नाही.
पालीकेला दिलेले निवेदन ताजे असतानाचा अवघ्या आठ दिवसात कुत्र्यांनी चावा घेतलेल्या चार ते पाच घटना घडल्या. त्यात अत्यंत गंभीर घटना म्हणजे अदांजे तीन वर्षाची चिमुकमली मुलगी नामे आयत कुरेशी या चिमुकल्या मुलीवर कुत्र्यांनी जिवघेणा हल्ला करीत गळा, डोळा आणि चेहऱ्यावर गंभीर जखमा केल्या आहेत. तसेच इतर तीन ते चार लोकांनाही कुत्र्यांनी हल्ला केलेले आहे.
तरी या सर्व घटनांची नगर पालिका प्रशासन जबाबदार आहे. वरील मुलीच्या घरची परिस्थिती अत्यंत हालाखीची आहे. त्यांना सदरचा खर्च करणे अश्यक्य आहे. तरी गावातील मोकाट कुत्र्यांचा त्वरीत बंदोबस्त करुन सदरील चिमुकलीवर होत असलेला सर्व खर्च पालिका प्रशासनाच्या वतीने करण्यात यावा अशी मागणी निवेदनात केली आहे.व वरील केलेल्या कार्यवाहीची माहिती देण्यात यावी व जनतेची प्रश्नाची सोडवणूक न करणाऱ्या निष्क्रिय नगर पालीकेला एम.आय.एमच्या वतीने टाळे ठोको आंदोलन करण्यात येईल.असा इशारा एम आय एम औसा प्रमुख सय्यद मुजफ्फर अली इनामदार यांनी मुख्याधिकारी यांना दिनांक 9 डिसेंबर सोमवार रोजी निवेदनाद्वारे केला आहे.
0 टिप्पण्या