हिंदुत्ववादी संघटनांचा औसा येथे कडकडीत बंद हुंकार मोर्चा उत्स्फूर्त प्रतिसाद..
औसा प्रतिनिधी
बदलापूर येथील एका खाजगी शाळेतील दोन विद्यार्थिनीवर झालेल्या अत्याचाराचा आणि बांगलादेश मधील हिंदू नागरिकांवर होत असलेल्या अन्यायाच्या निषेधार्थ औसा शहरात हिंदुत्ववादी संघटनांनी पुकारलेल्या बंदला उत्स्फूर्त प्रतिसाद मिळाला. शनिवार दिनांक 24 ऑगस्ट रोजी शहरातील सर्व व्यापाऱ्यांनी आपले व्यापारी आस्थापना बंद ठेवून मोर्चा प्रतिसाद दिला.औसा येथील किल्ला मैदानापासून शहरातील मुख्य रस्त्यावरून विश्व हिंदू परिषद, राष्ट्रीय स्वयंसेवक संघ, बजरंग दल, राष्ट्रसेविका, समिती दुर्गा, वाहिनी व इतर हिंदुत्ववादी संघटनांच्या वतीने आयोजित हुंकार मोर्चा काढून बदलापूर येथील घटनेतील आरोपीला कडक शिक्षा करावी आणि बांगलादेशांमधील हिंदूचे संरक्षण करण्यासाठी काकडीने ठोस उपाययोजना कराव्यात अशी मागणी हिंदुत्ववादी संघटनांनी करीत तहसील कार्यालया समोर हिंदुत्ववादी संघटनाच्या वतीने मागण्यांचे निवेदन तहसीलदार घनश्याम अडसूळ यांना देण्यात आले. औसा शहरातील व्यापाऱ्याने दिवसभर आपले व्यवहार बंद ठेवून ओंकार मोर्चामध्ये सहभाग नोंदविला. यावेळी आमदार अभिमन्यू पवार, सोमनाथ वागदरे, सुनील उटगे, प्रा . भिमाशंकर राचट्टे, किरण उटगे, बंडू कोद्रे,संतोषप्पा मुक्ता, गोपाळ धानूरे, समीर डेंग, सुधीर पोतदार,सागर भंडारी, जगदीश परदेशी, जगदीश चव्हाण, सागर पुणे, हनुमंत कांबळे, निवृत्ती कटके, लिंबराज जाधव, सुनिता सूर्यवंशी, गोंवीद सोनवणे, नारायण माळी, गोविंद मुडदे,यांच्यासह शेकडो कार्यकर्ते उपस्थित होते.औसा बंदच्या पार्श्वभूमीवर कोणताही अनुचित प्रकार घडू नये यासाठी पोलिसांनी चोक बंदोबस्त ठेवला होता.
0 टिप्पण्या